Ymgynghorydd Pobl
End Date: 18th October 2026
A ydych yn mwynhau hyfforddi rheolwyr, ymdrin â materion cysylltiadau gweithwyr cymhleth, a helpu i greu profiadau cadarnhaol i gydweithwyr? Ein pobl yw ein cryfder pennaf, ac rydym yn chwilio am rywun sy’n rhannu’r gred honno.
Lleol: Morfa Gele, Abergele
Oriau: 37 awr yr wythnos, tmyor penodol hyd at 2 flwyddyn.
Cyflog: Hyd at £41,430
Mae gennym gyfle cyfnod penodol o ddwy flynedd i Ymgynghorydd Pobl ymuno â’n Tîm Pobl sefydledig a chwarae rhan allweddol yn darparu gwasanaeth proffesiynol sy’n canolbwyntio ar bobl ar gyfer oddeutu 265 o gydweithwyr ar draws y Grŵp Cartrefi Conwy.
Y Rôl
Yn atebol i’r Partner Profiad Pobl Arweiniol, byddwch yn gweithio fel rhan o Dîm Pobl ymroddedig, gan reoli eich llwyth achosion eich hun a chyfrannu at brosiectau a mentrau pobl ehangach.
Byddwch yn datblygu perthnasoedd ymddiriedus â rheolwyr ar draws y Grŵp, eu helpu i ymdrin â heriau’n hyderus ac yn effeithiol gan sicrhau canlyniadau teg, cyson a chyfreithlon ar gyfer cydweithwyr. Bydd hyn yn cynnwys darparu cyngor dibynadwy ynglŷn â materion cysylltiadau gweithwyr gan gynnwys absenoldeb, disgyblaeth, cwynion, perfformiad a newid sefydliadol.
Ynghyd â darparu cefnogaeth yn ymwneud â chysylltiadau gweithwyr, byddwch yn cyfrannu at brosiectau pobl, datblygu polisïau, mentrau lles gweithwyr, a gweithgareddau gwelliant parhaus, gan helpu i greu profiadau cadarnhaol i’ch cydweithwyr mewn amgylchedd lle gall pawb ffynnu.
Amdanoch Chi
Rydym yn chwilio am Ymgynghorydd Pobl sy’n cyfuno arbenigedd AD technegol â dull pragmatig sy’n canolbwyntio ar bobl.
Byddwch yn rhywun sydd:
- Naill ai â chymhwyster Lefel 5 y Sefydliad Siartredig Personél a Datblygu (CIPD) neu brofiad cyfwerth
- Â phrofiad amlwg o reoli materion cysylltiadau gweithwyr cymhleth
- Wedi gweithio mewn sefydliad rheoledig neu sy’n canolbwyntio ar gydymffurfiaeth
- Yn meithrin hygrededd ac ymddiriedaeth yn gyflym gyda rheolwyr a gweithwyr ar bob lefel
- Yn cydbwyso empathi gyda beirniadaeth gadarn a meddylfryd sy’n canolbwyntio ar ddatrysiadau yn seiliedig ar gyfraith gyflogaeth ac arfer orau
- Yn mwynhau cydweithio ac yn credu’n gryf mewn dull “un tîm”
Yr hyn yr ydym ni’n ei gynnig:
Byddwch yn rhan o sefydliad cefnogol ac uchelgeisiol sy’n cydnabod pwysigrwydd pobl, yn gwerthfawrogi eich syniadau ac yn rhoi cyfle i chi ddylanwadu, gwella a siapio’r ffordd yr ydym yn darparu ein gwasanaethau pobl.
- Contract Cyfnod Penodol Dwy Flynedd
- Cyflog o hyd at £41,430, yn ddibynnol ar brofiad
- Wythnos waith gyfartalog o 37 awr, o ddydd Llun i ddydd Gwener
- Diwylliant gweithio’n hyblyg, gydag amseroedd dechrau/gorffen addas i chi, rhwng 8am a 6pm fel arfer
- Swyddfa fodern yn Abergele, gyda’r opsiwn o weithio o gartref un diwrnod yr wythnos
- 25 diwrnod o wyliau blynyddol a gwyliau banc (sy’n cynyddu gyda hyd gwasanaeth i hyd at 31 diwrnod + gwyliau banc)
- Polisïau cyfeillgar i deuluoedd gyda darpariaethau absenoldeb arbennig uwch
- Tâl salwch uwch ac atgyfeiriadau Iechyd Galwedigaethol
- Dewis o ddau gynllun pensiwn hael
- Ffioedd aelodaeth broffesiynol a chefnogaeth datblygu wedi’u talu gan y cwmni
- Cynlluniau gofal iechyd sy’n rhoi arian yn ôl i chi
Diddordeb?
Rydym yn croesawu ceisiadau gan bobl o bob cefndir ac yn ymrwymo i greu gweithle cynhwysol a chefnogol. Rydym yn hapus i wneud addasiadau rhesymol drwy gydol y broses recriwtio ac yn y gweithle. Os oes arnoch chi angen unrhyw gymorth â’ch cais, cysylltwch â ni.