Rheolwr Cynaliadwyedd Incwm a Thenantiaeth
End Date: 14th June 2026
Lleoliad: Morfa Gele
Cyflog: £40,557 y flwyddyn
Oriau: Amser llawn, 37 awr yr wythnos Cyfnod penodol am 2 flynedd
Ydych chi’n credu bod gwasanaethau incwm gwych yn ymwneud â phobl, nid rhifau’n unig?
Yn Cartrefi Conwy, rydym yn chwilio am Rheolwr Cynaliadwyedd Incwm a Thenantiaeth ysbrydoledig i arwain ein tîm, uchafu incwm rhent ac, yn bwysicaf oll, helpu ein cwsmeriaid i gynnal eu cartrefi drwy ymyrraeth gynnar, gweithio mewn partneriaeth ac arweinyddiaeth dosturiol.
Mae hon yn rôl allweddol o fewn ein Gwasanaeth Cymdogaethau, yn cefnogi tua 4,000 o gartrefi ac yn chwarae rhan hanfodol yn cyflawni ein Cynllun Corfforaethol Gyda’n Gilydd 2025–2028 uchelgeisiol. Byddwch yn arwain tîm medrus, yn gweithio’n agos gyda phartneriaid mewnol ac allanol, ac yn helpu i lunio gwasanaeth adfer rhent modern, sy’n canolbwyntio ar y cwsmer ac sy’n gwneud gwahaniaeth go iawn.
Byw ein gwerthoedd – bob dydd
Mae’r rôl hon wrth galon ein tri philer:
- Rydym yn gryfach gyda’n gilydd – gweithio’n gydweithredol gyda chydweithwyr, partneriaid a chwsmeriaid i gynnal tenantiaethau ac adeiladu cymunedau gwydn.
- Rydym yn arwain drwy esiampl – gosod safonau clir, cefnogi a datblygu eraill, a gyrru tîm sy’n perfformio’n uchel ac sy’n cael ei arwain gan werthoedd.
- Rydym yn gwneud y peth iawn – cydbwyso adfer incwm effeithiol â thegwch, uniondeb ac empathi ym mhob penderfyniad a wnawn.
Os ydych yn angerddol am dai, yn hyderus wrth arwain pobl, ac yn cael eich ysgogi gan greu canlyniadau cadarnhaol i gymunedau, byddem wrth ein bodd yn clywed gennych.