Yma yng Nghartrefi Conwy rydym wedi ymrwymo i wella’n barhaus ein dull o weithredu o ran Cydraddoldeb, Amrywiaeth a Chynhwysiant.

Dywedodd Adrian Johnson, Prif Weithredwr Grŵp Cartrefi Conwy:
“Mae newid go iawn yn dechrau gyda gweithredu. Trwy ymrwymo i Deeds Not Words 2.0, rydym yn sefyll gyda’n gilydd i greu sector tai sy’n wrth-hiliol, yn deg, ac wedi’i yrru gan gydraddoldeb. Byddwn yn sefyll yn erbyn hiliaeth a naratifau niweidiol, ac wrth gyflwyno ein cynllun gweithredu QED byddwn yn sicrhau ein bod yn parhau i wneud cynnydd ystyrlon i’n holl gwsmeriaid a’n cymunedau.”

Ein nod yw sicrhau ein bod yn trin pobl yn deg, gan gydnabod bod gan bobl anghenion a safbwyntiau gwahanol, a galluogi pawb i gyfrannu. Rydym am fanteisio ar bob cyfle i groesawu a dathlu amrywiaeth a chreu ymdeimlad o berthyn ymhlith ein cydweithwyr ac o fewn ein cymunedau.

I wneud hynny, rydym yn gweithio gyda’n cydweithwyr, ein tenantiaid, a’n partneriaid allweddol i ddatblygu ein dull gweithredu. Darllenwch ymlaen i ddysgu mwy am nifer o fentrau rydym yn gweithio arnynt ar hyn o bryd:

Ansawdd mewn Cydraddoldeb ac Amrywiaeth

Rydym yn falch iawn o rannu bod Cartrefi Conwy wedi derbyn ein Gwobr QED (Ansawdd mewn Cydraddoldeb ac Amrywiaeth), gan ddod yn ddim ond yr ail gymdeithas dai yng Ngogledd Cymru i gyflawni’r achrediad hwn.

Mae ein Gwobr QED yn cydnabod sefydliadau sy’n ymrwymo i hyrwyddo cydraddoldeb, amrywiaeth a chynhwysiant (EDI) ym mhob agwedd ar eu gwaith – o’r ffordd y maent yn cefnogi tenantiaid i’r ffordd y maent yn creu diwylliant cynhwysol i gydweithwyr. I Gartrefi Conwy, mae hon yn foment falch sy’n tynnu sylw at y gwaith cadarnhaol sydd eisoes yn digwydd ac yn gosod y sylfeini ar gyfer hyd yn oed mwy o gynnydd.

“Llongyfarchiadau mawr iawn i Gartrefi Conwy am gyflawni’r Wobr QED. Mae’n wych gweld sefydliad arall yng Ngogledd Cymru yn arwain y ffordd o ran hyrwyddo cydraddoldeb, amrywiaeth a chynhwysiant.

Mae Cartrefi Conwy wedi creu argraff arnom gyda’u harweinyddiaeth a’u diwylliant sefydliadol, tra bydd eu gwaith ar gaffael yn sgil deddfwriaeth newydd yn ysgogi arferion cynhwysol. Bydd y wobr hon yn gweithredu fel catalydd ar gyfer cynnydd pellach dros y tair blynedd nesaf a thu hwnt, ac rydym yn edrych ymlaen at eu cefnogi ar eu taith.”

Prif Weithredwr Tai Pawb, Alicja Zalesinska

Rydym yn aelodau gweithredol o Grŵp Cynhwysiant Cymdeithasau Tai, Perythyn, lle rydym yn gweithio ar y cyd â phartneriaid allweddol a chymdeithasau tai eraill megis Adra, Clwyd Alyn, Grŵp Cynefin, Tai Gogledd Cymru a Wales & West i godi ymwybyddiaeth, rhannu dysgu, archwilio arferion gorau, a chanolbwyntio ar wella gwasanaethau o ran Cydraddoldeb, Amrywiaeth a Chynhwysiant ar draws y sector.

Rydym yn falch o fod wedi derbyn achrediad Cyflogwr Hyderus o ran Anabledd, sy’n cefnogi cyflogwyr i wneud y gorau o’r doniau y gall pobl anabl eu cynnig yn y gweithle. Mae dros hanner y gweithleoedd yn colli allan oherwydd eu bod yn eithrio pobl dalentog ag anabledd. Fel cyflogwr Hyderus o ran Anabledd, rydym yn ymrwymo i’r ddau faes o fewn y fframwaith: ‘Cael y bobl iawn ar gyfer ein busnes’ a ‘Cadw a datblygu ein pobl’.

Rydym yn falch o barhau i gefnogi addewid Deeds Not Words Tai Pawb yn dilyn ail-lansiad Deeds Not Words 2.0 (Addewid ar gyfer 2025–2030).

Gyda’n gilydd, rydym yn ymrwymo i gefnogi newid gwirioneddol a chymryd camau i:

1. Sefyll yn erbyn hiliaeth a naratifau niweidiol
2. Mynd i’r afael ag anghydraddoldebau hiliol mewn amodau tai
3. Hyrwyddo cynrychiolaeth deg a chefnogi datblygiad gyrfa
4. Defnyddio data ac ymgysylltiad i ysgogi cydraddoldeb hiliol ac amrywiaeth