Eich Ciplun y Gymuned – Awst
Croeso i flog Awst Ciplun y Gymued, lle rydym am gasglu’r holl straeon a’r cymeriadau lleol sydd wedi gwneud argraff allan yn eich cymuned dros y mis diwethaf ac rydyn ni’n eu rhannu gyda chi yma.
Yn gyntaf, gwahoddwyd tenantiaid y Fron yn ddiweddar i serennu yn y ffilm llwybr treftadaeth ddigidol ‘Imagine Bae Colwyn’ gan ddod â’u hatgofion o Fae Colwyn yn fyw.
Mae TAPE Community Music and Film yn Hen Golwyn yn cynhyrchu’r ffilm a fydd yn dod â cymeriadau, adeiladau ac eiliadau mewn hanes yn fyw trwy fyfyrdodau personol, animeiddio, sain, gwaith celf a gair ysgrifenedig.
Diolch i’n tenantiaid am gymryd rhan a rhannu eu hatgofion a fydd yn ddiddorol edrych yn ôl ar orffennol Bae Colwyn.
Mae Karen, aelod o’n grŵp Bysedd Gwyrdd Chester Avenue ym Mae Kinmel wedi bod yn gweithio’n galed yn plannu blodau hyfryd yn y tŷ cymunedol dros y mis diwethaf. Mae hi’n ei chael hi’n edrych yn braf a thaclus yn barod ar gyfer pryd rydym ni’n gallu trefnu cyfarfodydd a digwyddiadau awyr agored eto. Disgwylir i’n cyfarfod awyr agored cyntaf gael ei gynnal yn gynnar ym mis Medi.
Mae gwaith wedi bod yn mynd yn dda draw yn ein datblygiad Stryd Gloddaeth yn Llandudno. Siaradwn â Danny ar y safle a oedd yn brysur yn gwneud gwaith plastro. Roeddem yn hynod falch o Danny a gafodd gynnig swydd llawn amser gyda Brenig Construction yn ddiweddar, yn dilyn ymlaen o’i gontract 12 mis trwy Academi Cyflogaeth Creu Dyfodl yn Creu Menter. Rydym yn falch o weld ei fod yn mwynhau ei rôl newydd ac yn gweithio ar un o’n datblygiadau newydd cyffrous. Bydd y datblygiad newydd ar Gloddaeth Street yn 12 fflat 2 wely modern newydd yng nghanol Llandudno.
Mae Lydia a Meg o’n tîm Ymgysylltu ar Gymuned wedi bod yn brysur unwaith eto yn rhedeg eu sesiynau celf Awst ar-lein gyda’n tenantiaid, gan gynnwys sesiwn Celf Teulu, Sesiynau Byrddio Creadigol a Gweledigaeth. Yn ein sesiwn fyrddio gweledigaeth ar-lein a gynhaliwyd ynghyd â Jasmine o Creu Menter, gofynnwyd i denantiaid roi eu gobeithion a’u breuddwydion i lawr ar fwrdd i’w hysbrydoli ar gyfer y dyfodol y tu hwnt i’r pandemig. Dyma enghraifft wych gan un o’n tenantiaid Helen, a ddywedodd ei bod hi a’i merch “wedi mwynhau’r sesiynau yn fawr” ac yn dangos gwir ddawn am greadigrwydd.
Roedd ein sesiwn Celf Greadigol ar-lein ddiweddar yn llwyddiant mawr, gofynnwyd i’r tenantiaid a gymerodd ran greu paentiad ‘Dyheadol’ gan ddefnyddio dail fel eu dyheadau, a’r gwreiddiau’n cynrychioli’r hyn sy’n eu cefnogi. Rhedwyd y sesiwn gan Lisa Lochhead o Gelf a Dylunio Lisa Lochhead, ac rydym wedi cael rhai delweddau hyfryd wedi’u rhannu â ni o rywfaint o’r gwaith celf a cafodd ei greu ac adborth gan y rhai a gymerodd ran, dywedodd un tenant wrthym “Roedd yn wych gweld pawb a threuliwyd amser boddhaus iawn. Diolch i Lisa a phawb”.
