Conway Road

Mae ein datblygiad o gartrefi fforddiadwy newydd ar Conwy Road ym mhen gorllewinol Bae Colwyn, gan drosi adeilad gwag yn 8 rhandy modern.

Bydd llawer o bobl yn cofio’r adeilad fel siop carpedi ‘North Wales Flooring’ am sawl blwyddyn, a chaiff ei drawsnewid yn 8 rhandy eang. Bydd y cynllun £862,392 hwn yn dod yn gymysgedd o eiddo llawr gwaelod, llawr cyntaf ac ail lawr gydag 1 neu 2 ystafell wely a fydd yn berffaith ar gyfer teuluoedd sy’n dechrau arni, cyplau neu weithwyr proffesiynol sydd am rentu eu heiddo eu hunain a chynilo ar gyfer blaendal.

Mae’r datblygiad mewn lleoliad delfrydol ar y gornel yn y pen gorllewinol ac mae modd cerdded y pellter byr i ganol Bae Colwyn a Llandrillo-yn-Rhos ac mae gorsaf rheilffordd, traeth ac archfarchnadoedd ar garreg eich drws.

Mae’r rhandai yn gymysgedd o adeiladau wedi’u hailwampio ac adeiladau newydd sy’n sicrhau bod digonedd o gymeriad i’r rhandai. Bydd cegin/ardal fwyta neu cegin/ardal lolfa yn dibynnu ar yr eiddo, a bydd y systemau gwresogi ac inswleiddio diweddaraf wedi’u gosod, a fydd yn golygu eu bod mor effeithlon o ran ynni ag sy’n bosibl.

Trwy gydol y cynllun hwn, rydym wedi gweithio gydag Academi Creating Futures yn Creu Menter i sicrhau ein bod yn darparu cyn gymaint o gyfleoedd a phosib am swyddi i’n tenantiaid a llafur lleol . Ar y cynllun hwn, rydym wedi darparu cyfleoedd cyflogaeth ar y safle i’n tenantiaid weithio ochr yn ochr â Brenig Construction.

Am fwy o wybodaeth ar fuddion cymunedol y cynllun hwn, edrychwch fan hyn.

Mae’r cartrefi hyn yn rhent canolradd, sy’n golygu eu bod 20% yn llai na chyfradd y farchnad fel arfer. Mae rhagor o wybodaeth am y cynllun rhent Canolradd isod.

Cynllun Rhent Canolradd

• dewis rhentu canolradd ar gyfer pobl nad ydynt mewn sefyllfa i brynu cartref am amryw o resymau, megis, blaendal annigonol neu hanes credyd gwael
• mae’r cynllun wedi’i anelu at bobl sydd mewn gwaith heb fod yn dibynnu’n llwyr ar fudd-daliadau
• mae rhent yn seiliedig ar Lwfans Tai Lleol neu 80% o rent y farchnad agored
• rhaid i ymgeiswyr fodloni’r meini prawf cymhwyso a chofrestru gyda Thai Teg
• mae rhent mis a blaendal mis yn ofynnol fel arfer
• gofynnir i ymgeiswyr sy’n ymgeisio am eiddo rhent canolradd gwblhau trefn geirda gan y landlord hefyd.

Y rheswm dros hyn yw i sicrhau eu bod yn ddigon sefydlog yn ariannol i gynnal tenantiaeth ar y lefel rhent a nodir a’u bod yn denantiaid addas.

• Ni ddylai fod gan yr ymgeisydd fwy na £16,000 mewn cynilion. Cysylltwch â ni os oes angen rhagor o wybodaeth arnoch

I gael rhagor o wybodaeth am ein datblygiadau, cysylltwch â’n tîm datblygu ar 0300 124 0040.