Cwrt Ysgol Maelgwn

Mae Cartrefi Conwy wedi datblygu ar hen safle ysgol Maelgwn yng Nghyffordd Llandudno. Rydym wedi gweithio gyda thimau Strategaeth Tai a Gwasanaethau Cymdeithasol Cyngor Bwrdeistref Sirol Conwy i ddarparu llety arbenigol a thai fforddiadwy y mae mawr eu hangen ar gyfer pobl leol.

Mae’r cynllun tai £3 miliwn hwn wedi helpu i gadw 70 o swyddi presennol a chreu chwe swydd newydd, wrth roi bywyd newydd i’r hen ysgol gynradd, Ysgol Maelgwn, a gaeodd ei drysau dair blynedd yn ôl pan symudodd y disgyblion i ysgol leol newydd, Ysgol Awel y Mynydd.

Mae’r datblygiad yn cynnwys cyfanswm o 27 o gartrefi gyda 13 uned arbenigol ar gyfer Cyngor Bwrdeistref Sirol Conwy, 6 chartref pâr, 6 rhandy a 2 fyngalo. Mae’n cael ei ariannu’n rhannol gan Grant Tai Cymdeithasol gan Lywodraeth Cymru, ac mae’n ffurfio rhan o’n strategaeth i greu 400 o gartrefi newydd dros y bedair blynedd nesaf.

Hwn yw’r prosiect mwyaf cymhleth mae Cartrefi Conwy wedi gweithio arno hyd yma oherwydd mae’r hen ysgol a agorodd ym 1907 yn bensaernïol bwysig, ac mae llawer o’r nodweddion gwreiddiol wedi cael eu cadw, fel teils gwydrog a nenfydau pren bwaog prif adeilad yr ysgol a’r ystafelloedd dosbarth ar wahân. Bydd llawer o’r tu allan i’r adeilad yn aros hefyd, a chaiff toi newydd o lechi Cymreig eu gosod.

Bydd gardd les cymunedol newydd sbon wedi cael ei greu, ger prif fynedfa’r adeilad i helpu preswylwyr sydd â phroblemau symud. Bydd coeden ganolog yn darparu cysgod i’r ardal eistedd, a bydd casgliad o welyau uchel yn ei hamgylchynu, gyda detholiad o blanhigion sy’n cynnwys perlysiau y mae modd eu bwyta, a llwyni blodeuog.

I gael rhagor o wybodaeth am hyn, cysylltwch â’n tîm datblygu ar 0300 124 0040.